Kaulana na pua a'o Hawai'i,
Kupa'a ma hope o ka 'aina,
Hiki mai ka 'elele o ka loko 'ino
Palapala 'anunu me ka pakaha.

Pane mai Hawai'i moku o Keawe,
Kokua na Hono a'o Pi'ilani,
Kako'o mai Kaua'i o Mano,
Pa'a pu me ke one o Kakuhihewa.

'A'ole a'e kau i ka pulima
Ma luna o ka pepa o ka 'enemi,
Ho'ohui 'aina ku'ai hewa
I ka pono sivila a'o ke kanaka.

'A'ole makou a'e minamina
I ka pu'u kala o ke aupuni,
Ua lawa makou i ka pohaku,
I ka 'ai kamaha'o o ka 'aina.

Ma hope makou o Lili'ulani,
A loa'a 'e ka pono o ka 'aina.
Ha'ina 'ia mai ana ka puana,
'O Ka po'e i aloha i ka 'aina.